Sunday, July 16, 2017

थसेसजापानको वार्वेक्यु २०१७ सम्पन्न

सरद डायरि । आईतबार, श्रावण १, २०७४
प्रत्येक वर्षको निरन्तरता संगै यस वर्ष पनि थसेस जापानद्धारा जुलाई १६ तारीख आईतबारका दिनमा युमेनोसिमा कोयनको वार्वेक्यु स्पट्मा वार्वेक्यु कार्यक्रम ठुलो जनमासको विच अत्यन्तै भब्य, सभ्य र बिशाल रुपले सम्पन्न भएकोमा अध्यक्ष, संयोजक, सिङ्गो टिम र संम्बन्धित सबैलाई हार्दिक बधाई तथा शुभकामना । कहि केहि, झिना, मसिना ट्रुटि भएपनी प्रत्येक बर्ष सच्चिदै चुनौति पनि थपिदै गएको महशुष भने भएको छ । जेहोस, हामि मनुष्य भएकोले पनि साना टिना गल्ति वा कमजोरि हुनु स्वभाविक भएपनि महशुष गरि नदोर्याउनु चाहि चेतनशिल प्राणीको नाताले महत्वपुर्ण हुने कुरामा दुई मत नहोला । सन्दर्भ, समितिको अनुरोधमा धन्यबाद ज्ञापनको बेलामा भन्न भुलेछु, यस पटकको हाम्रो वार्वेक्युमा नेपाली पाहुनाहरुको बारेमा त अवगत नै छ, त्यस बाहेक हाम्रो निमन्त्रणालाई स्विकारेर नेपालसंग संम्बन्धित केहि विज्ञ जापानी र वरिष्ट ब्यक्तिहरुको उपस्थिति पनि रहेको थियो । जस अनुसार, थकालीहरुसंगै सिंङ्गो नेपाल र नेपलाीहरुकै अनुसन्धानकर्ता, प्रोफेसर डा. सातो जी, डा. ईतो जी र नेपाली भाषा विज्ञ नोजु जी, नेपालमा १७ बर्ष कलाकारिता गरेका ब्यक्तित्व सुन्दरि मिका जी, नेपालमा ३५ बर्ष अघि सुन्तला फलाउने बिज्ञ हासेगावा जी, ट्रेकिङ्ग लगायतको चर्चित माउन्टेनर्स नागाई जी र रेन् जी लगायत थुप्रै वरिष्ट ब्यक्तित्वहरुको उपस्थिति रहेको खुशीको खवर बाड्न चाहान्छु । उहाहरु सबैको सकारात्मक प्रतिक्रिया र थसेस जापानको टिम वर्क र युनिटिले निकै प्रभाव पारेको कुरा पनि जानाकारि गराउनु भएको अवगत गराउदछु । यसै गरि हाम्रो एकता र युनिटि सधैव अमर रहोस् धन्यवाद । अन्तमा पुन सबै साथीहरुलाई ओचुकारेसामाडेसिता । भवदिय, शरद कुमार गौचन संरक्षक, थसेस जापान जुलाई १८, २०१७ (मंगलवार)

केहि झलकहरु.....









फोटो : दिपक गौचन

Wednesday, January 11, 2017

कास्कि फुटवल संघ नेपाललाई जापानबाट फुटवलका खेल सामाग्रिहरुको हस्तान्तरण तथा स्वागत सम्मान कार्यक्रम सम्पन्न

सरद डायरि । बुधबार, पौष २७, २०७३
गत २८ डिसेम्वर बुधबारका दिन पोखरा रंगशालाको खुल्ला मैदानमा कास्कि फुटवल संघ नेपाललाई जापानबाट फुटवलका खेल सामाग्रिहरुको हस्तान्तरण तथा स्वागत सम्मान कार्यक्रम सम्पन्न भएको छ । 
बाल फुटवल सहयोग समिति जापानका संयोजक शरद कुमार गौचनले खेल सामाग्रिहरु बल, बिवस्- टिसर्ट, फोटो एल्बम् , झोला, म्यागेजिन र कलम आदि कास्कि फुटवल संघका अध्यक्ष धरम बहादुर लामिछाने र फुटवल प्रशिक्षकद्धय शंम्भु केसी र राजेन्द्र तामाङ्गलाई हस्तान्तरण गर्नुभएको हो । सहयोग समितिका संयोजक गौचनलाई बिदेशमा रहेर पनि नेपालको खेल विकाशको लागि उत्कृष्ट कार्य र योगदान गरेवापत स्वागत सम्मान पनि गरिएको थियो ।
कार्यक्रममा बाल फुटवल सहयोग समिति जापानका संयोजक गौचनले जापानको गतिविधि स्मरण गराउदै २०१६ अप्रिल १,२ र ३ मा जापानमा सम्पन्न १२ वर्ष मुनिका जुनियर खेलाडिहरुको अन्तराष्ट्रिय फुटवल प्रतियोगितामा १३ जना खेलाडि र प्रशिक्षक गरि १४ जनालाई पहिलो पटक सहभागि बनाई सफल प्रतिफल प्राप्त गरेको बताउनु भयो । कोपा पुमा तोरेरोस २०१६ नामक उत्त जुनियर फुटवल प्रतियोगितामा नेपालले १७ औं स्थान ओगटन सफल भएको बताउनु भयो । खेलाडि, प्रशिक्षकहरुले अन्तराष्ट्रिय स्तरमा खेलको महत्व, खेलप्रतिको लगाव, अनुशाषन लगायत अनगिन्ति प्रत्यक्ष, अध्ययन अनुसन्धाण पनि गर्न पाएको बताउदै जापानमा तयारि चरणमा भए गरेका अनुभव, बाधा अडचन् र चुनौतिहरुको बारेमा विविध बिस्तृत जानाकारि दिदै पहिलो पटकको सहभागितामा नेपालले उत्कृष्ट खेल प्रदशन गरेकोमा गौेचनले खुशी पनि ब्यक्त गर्नु भयो ।
कार्यक्रमका सभापति कास्कि फुटवल संघका अध्यक्ष धरम वहादुर लामिछाने, प्रशिक्षक शंम्भु केसीले पनि नेपालको फुटवलको बारेमा बोल्नु भएको थियो भने, जुनियर खेलाडिका अभिभावकहरुले राख्नु भएको प्रश्नहरुको प्रमुख अतिथि गौचनले उत्तर पनि दिनु भएको थियो ।
स्मरण रहोस्, जापानमा सम्पन्न यस फुटवल प्रतियोगिताको नेपाली टिमलाई सहभागिता गराउनको लागि बिभिन्न तवरले श्रोत र साधन जुटाउन सदस्यद्धयहरु पत्रकार महासंघ जापानका अध्यक्ष तिलक मल्ल, थसेस जापानका अध्यक्ष बुद्धि गौचन, सफल ब्यबसायी प्रकाश तुलाचन, पुर्व राष्ट्रिय फुटवल खेलाडि बसन्त गौचनहरुको सहयोग समिति सदस्य रहेको यस समितिका संयोजक शरद कुमार गौचनको सिङ्गो टिमले सम्पुर्ण ब्यबस्थापन तर्जुमा मिलाएर नेपालकै प्रतिनिधित्व गरेर सानदारका साथ सगौरव रुपले सम्पन्न गरेको थियो ।