Friday, May 29, 2009

मैले सधै खाने लन्चका केहि झलकहरु ।

ठेट नेपाली परिकार(कुखुराको झोल,पुरि र अण्डाको सेठ)

फ्रान्स खानाको सेठ (बुटा सोठे)

जापानी फ्राई सेठ (ईका र मेन्चु खाचू टेईस्योकु)

जापानी फ्राई गरेको चाउचाउ(याकिसोबा)

ईन्डियन चिकन करि र नान
जापानी फ्राई सेठ (कोरेक्को टेईस्योकु)

जापानी मासु र भातको सेठ(याकिनिकु डोन टेईस्योकु)
जापानी रेम माछा र अण्डाको सेठ (उनागि डोन टेईस्योकु)

ईटालीको माछा र चिकनको परिकार

जापानी सुगुरको मासु र चिकन फ्राई (स्यागायाकि र खरागे टेईस्योकु)

जापानी बेन्टो बक्स


सरद डायरि । शुक्रबार, जेठ १५, २०६६अस्ति भरखर शुरु गरेजस्तो लागेपनि जापानको जागिरेदार भएको पनि डेढ दशक पुग्न लागिसकेको रहेछ । काम भएको दिनमा सधै लन्च, अफिसकै छेउछाउको रेष्टुरेन्टमा पालैपालो बिभिन्न परिकारको खाना खाने गरिन्छ । सायद अफिसको छेउछाउको रेष्टुरेन्ट भित्र नपसेको ठाउ त कहि पनि छैन होला । त्यति मात्र हो र तिनै रेष्टुरेन्टमा प्रत्येक हप्ता रिपिट गर्दै खाने भएकोले पनि होला रेष्टुरेन्टका स्टाफहरुसंग पनि राम्रो परिचित छु अधिकांस रेष्टुरेन्टका स्टाफहरुले राईसको मात्रा , कफि वा चिया तातो कि चिसो साथै दुध,चिनि कतिवटा प्रयोग गर्छु भन्ने समेत सबैलाई राम्रो जानाकारि छ, मैले अर्डर गर्नु अगाडि नै उहाहरुले नै भनिदिनुहुन्छ । आज, गत हप्ता र यो हप्ता खाएको केहि लन्चहरुको झलक पोष्ट गर्न मनलाग्यो । हेर्नुस त मैले लिने प्रत्येक हप्ताको लन्चका केहि झलकहरु ।

Sunday, May 24, 2009

बल्ल बल्ल हात पर्यो आईफोन ।

आठ गिगा बाईट र सोह्र गिगा बाईटको आईफोन (हातेफोन)


सरद डायरि । शनिबार, जेठ ९, २०६६
आई फोन नामक हातेफोनको बारेमा अमेरिकामा छडा झलाक्क झुलुक टेलीभिजनमा गुनगान सुनेको थिए । आईप्याड नामक अडियो सुन्ने र भिडियो हेर्न मिल्ने अत्यन्तै सानो (कम्याक्ट) मेसिन निकालेर बिश्व बजारमै एप्पल कंम्पनिले आफ्नो नाम गहिरो छाप बसालेको केहि बर्ष पछि नै आई फोन नामक हातेफोन निकालेर फेरि बिश्वबजार भरि नै ठुलै हल्ला फैलाएको रहेछ अहिले ।
जापानमा पनि गत बर्षको गर्मि बिदामा उत्त हातेफोन बजारमा बिक्रि शुरु गर्दा २,३ दिन अघि देखि नै लाईन बस्नु पर्ने स्थिति श्रीजना गरेको रहेछ । त्यतिमात्र नभई जापानि ऐन ७०,८० हजार पर्ने महंगो रकम हुदा पनि किन्न चाहेर पनि हात पर्न नसकेको उत्त आई फोन ले जापानमा पनि ठुलै तहल्कै मच्याएको रहेछ ।
आज उत्त फोन मेरो अफिसको नजिकै बिशेष (क्याम्पेन) सहुलियतमा बेच्न राखिएकोले यहि हो मौका भनि २ सेठ आटिहाले ८ गिगा बाईट र १६ गिगा बाईटको आईफोन ।

Wednesday, May 20, 2009

प्रेसिडेन्टसंग लन्च लिदाको अनुभव ।

म लगायतको सामुहिक फोटो
मैले लिएको लन्च सेठ्को झलक
सेक्रटरि र प्रेसिडेन्टको फोटो
नेपाली चिकन म:म


सरद डायरि । मंगलबार, जेठ ५, २०६६
अचानक मलाई हाम्रो कंम्पनिको प्रेसिडेन्टले आफ्नो अफिसियल कोठामा (स्याच्यो सिचु) बोलाएकोले झंसङ्ग झंस्किए । तर कुरो के रहेछ भने उहाको रुमको नजिकै नया नेपाली तथा ईन्डियन रेष्टुरेन्टको ओपन गरिएको कुरा थाहा रहेछ । अत उहाले मलाई संम्झेर, उत्त रेष्टुरेन्टमा म संग नेपाली खाना खानको लागि जाने कार्यक्रम तय गरेर बोलाउनु भएको कुरा पत्तो पाए ।
बिहानको ११:३० मा बोलाईएकोले म समयमै पुगेपछि, उहाले आफ्नो सेक्रटरि सहित म लगायत तिन जना उत्त नेपाली रेष्टुरेन्ट तिर लन्चको लागि लागियो । नेपाली रेष्टुरेन्ट भने पनि अधिकांस त ईन्डियन खाना त हो , मलाई जे मन परेको जति अर्डर गर्न जिम्मा दिईयो । मैले डेजार्ट सहितको तन्डुरि सेठ मगाए पनि उहाहरुले भने सागको करि र नान राईस अर्डर गरे । र हामि नेपालीको बिशेष खाना भनेर म:म पनि मगाएर खान बसियो । प्रेसिडेन्ट त निकै उमेर ढल्केको र त्यति पिरो अमिलो पनि मन नपराउनुहुनेहुनाले त्यति खानुभएन साथसाथै मैले र सेक्रटरि ले पनि त्यति खान पाएनौ, किनकि गफगाफमै मस्त र अलिकति नर्मस भएको महशुस गरेकोले होला जस्तो लाग्यो । किनभने हाम्रो कंम्पनिको प्रेसिडेन्ट कहिले पनि स्टाफ संग खान र पिउन संगै जाने गरेको मलाई थाहा छैन । मेरो डेपार्ट का साथिहरु पनि किन बोलाएको होला भनि डंङ्ग परेका थिए ।
जेहोस लन्च खाईवोरि सकिएपछि उत्त रेष्टुरेन्टमा बिक्रिमा राखिएको नेपाली चिया पट्टि समेत किनेर गिफ्ट सहित मलाईदिनु भएको र मेरो आफ्नो ब्यत्तिगत बिषयमा पनि निकै चासो लिएर कुराकानि गर्न पाएकोले अति नै हर्षित भए ।

Monday, May 18, 2009

स्वाईन फ्लु संक्रमणकाल जापानमा पनि आगमन ।

स्वाईन फ्लु संक्रमित देशको चार्ट
हेर्दै कस्तो डरलाग्दो यो स्वाईन फ्लुका किटाणुहरु


सरद डायरि । सोमबार, जेठ ४, २०६६
आज सोमवार भएपनि तलबि छु्ट्टिको (फुरिकाएक्यु) दिन परेको हुनाले ढिला सम्म निदाएछु । आँखा मिच्दै उठेर घडि हेरेको त १० बजिसकेको रहेछ । टेलिभिजन खोलेर समाचार के हेरेको थिए, स्वाईन फ्लु (सिन्गाता ईन्फुरुयन्जा) को समाचारले जापानको टेलिभिजनमा निकै ठुलो महत्व पाएको रहेछ । एकैछिन टेलिभिजन हेरेपछि पो थाहा पाए गाठि कुरो ।
मेक्सिकोबाट शुरुआत भएको स्वाईन फ्लु (सिन्गाता ईन्फुरुयन्जा) ले हाल विश्वभरि नै तहल्का मच्याएको छ । २६ वटा राष्ट्रमा ३,४४१ जनालाई यो रोगले समातिसकेको छ भने ४६ जनाको ज्यान लिईसकेको छ । तर जापानमा भने हिजो सम्म एकजनालाई पनि उत्त रोगले छुन नसकेको भएपनि आज अचानक बिहानको १० बजे टोक्योको पश्चिम क्षेत्रमा पर्ने जापानको दोस्रो ठुलो शहर ओसाका र ह्योगो प्रिफेक्चरमा एकैचोटि १२१ जनालाई स्वाईन फ्लुको रोगले छोएपछी जापानमा ठुलै भुईचालो नै आएको जस्तो भान परेको छ । जुनै टेलिभिजन च्यानलमा पनि सोहि समाचारको बिषयमा चर्चा परिचर्चा गर्नुको साथै सर्तक हुन पनि बिशेष आग्रह गरिएको थियो ।

Friday, May 15, 2009

जापान सरकारले एको पोईन्ट बितरण गर्ने समाचार सार्बजनिक गर्यो ।

सरद डायरि । शुक्रबार, जेठ १, २०६६
जापान सरकारले आज देखी लागुहुने गरि ईलोक्ट्रिक सरसामान(टेलिभिजन,रेफ्रिजेरेटर र एअर कन्डिसन) खरिद गर्ने जोकोहिलाई एको पोईन्ट भनेर बोनस दिने कार्यक्रम सार्बजनिक गरेको छ । एको मार्क भएको उत्त ईलोक्ट्रिक सामान खरिद गरिसकेपछि खरिदकर्ताले त्यसको बिल र वारेन्टि पेपर बुझाउनुपर्ने छ । सरकारि सम्बन्धित निकायमा उत्त कागजात पेश गरीसकेपछि सो बापत सरकारले १ पोईन्ट बराबर १ ऐन दिने कुरा जनाएको छ ।
जसअनुसार तल उल्लेखित बमोजिम पोईन्ट पाईने छ ।

टेलोभीजन :- साईज अनुसार


१) २६ भोल्ट (२६ सेन्टिमिटर भन्दा तलको साईज) भन्दा तल - ७,००० पोईन्ट
२) २६ देखी ३२ भोल्ट (२६ देखी ३२ सेन्टिमिटरको साईज) लाई - १२,००० पोईन्ट
३) ३७ भोल्ट (३७ सेन्टिमिटरको साईज) लाई - १७,००० पोईन्ट
४) ४० देखी ४२ भोल्ट (४० देखी ४२ सेन्टिमिटरको साईज) लाई - २३,००० पोईन्ट
५) ४६ भोल्ट (४६ सेन्टिमिटर भन्दा माथीको साईज) भन्दा माथी - ३६,००० पोईन्ट


रेफ्रिजेरेटर :- लिटर अनुसार

१) २५० लिटर भन्दा तल - ३,००० पोईन्ट
२) २५१ देखी ४०० लिटर - ६,००० पोईन्ट
३) ४०१ देखी ५०० लिटर - ९,००० पोईन्ट
४) ५०१ भन्दा माथी - १०,००० पोईन्ट

एअरकन्डिसन :- वाट अनुसार

१) २.२ वाट भन्दा तल - ६,००० पोईन्ट
२) २.५ वाट देखी २.८ वाट सम्म - ७,००० पोईन्ट
३) ३.६ वाट भन्दा माथी - ९,००० पोईन्ट
बलियो अर्थतन्त्र र चरम बिकाशको सिमा पार गरिसकेको जापान हाल प्रदुशन मुत्त स्वच्छ बातावरण बनाउन उन्मुख भएको देखिन्छ । सोहि उदेश्य अनुसारको एक योजना भएको जापान सरकारले घोषित गरेको छ ।

Tuesday, May 12, 2009

नया कामदारि(सिन्युस्याईन) संग लन्चमा रमाउदै ।

सिन्युस्याईन (महिला) संग लन्च लिदै
मैले अर्डर गरेको मेरो लन्च
मित्रहरु लन्च लिदै गर्दाको झलक


सरद डायरि । मंगलबार, बैशाख २९, २०६६

मेरो अफिस बिल्डिङ्गमा हाम्रो कंम्पनिको यस बर्षमा नया भर्ना भएका कामदारि(सिन्युसेई)हरुको दोर्स्रो प्रार्टिकल अभ्यास (केन्स्यु) भएकोले अन्य ब्रान्चबाट पनि बिहान देखी नै जम्मा भएका थिए । आर्थिक मन्धीको कारणले होला प्रत्येक बर्षको अप्रैल महिनामा भर्ना गर्ने संख्या भन्दा ड्याम्मै संख्या घटाएर करिब १५,२० जना मात्र भएकोले २,३ बर्ष पहिला देखी हाम्रै अफिस बिल्डिङ्गमा प्राटिकल अभ्यास (केन्स्युकाई)गर्ने गरेको छ । जेहोस मेरो डेपार्टमा काम लागेकी महिलासंग लन्च संगै खान जाने मौका परेकोले आज संगै लन्च खान लागियो अन्य साथीहरुसंगै नजिकैको नेपाली मित्रको ईन्डियन रेष्टुरेन्ट तिर । नान र पेय पदार्थ जति थपेपनि हुने लन्च समयमा नान २,२ वटा अर्डर गरेपनि एउटा र आधा मात्र बलबल खाईयो । जेहोस ईन्डियन करि र नान संग रमाउदै सबै मित्रहरुसंग म पनि ।


Monday, May 11, 2009

आदिबासी जनजाति महासंघ जापानद्धारा २५५३ बुद्ध जयन्ति मनाईयो ।

नेपालदेखी आमन्त्रित धर्मगुरु काल्साङ लामाले राजदुत परिवारलाई खाता ओध्याईदिदै
उपस्थित महानुभावहरुले सामुहिक बुद्धपुजा र धर्मदेशना गर्दै

उपस्थित महानुभावहरुले उभिएर बुद्धपुजा र धर्मदेशना गर्दै


सरद डायरि । आईतबार, बैशाख २७, २०६६
म संग सम्बन्धित आदिबासी जनजाति महासंघ जापान द्धारा आज बुद्ध जयन्ती मनाउने कार्यक्रम थियो । आयोजकको नाताले हामिहरु कार्यक्रम हुनुभन्दा डेढ दुई घण्टा अघि जम्मा भएर तयारि गर्ने भनेको भएपनि निर्धारित समय भन्दा म त करिब २ घण्टै ढिलो पुगे । मेरो डेराबाट निकै टाढा भएकोले कार्यक्रम स्थलको स्टेशनमै पुग्दा ठ्याक्कै डेढ घण्टा लाग्यो र स्टेशनबाट ट्याक्सि चढेर लागे कार्यक्रम स्थलतिर । म हलमा पुग्दा पनि धेरै साथीहरु त आउनु पनि भाको थिएन भने आउनु भएको साथीहरु पनि निकै ढिलो गरि जम्मा भएको जानाकारि पाए । कार्यक्रम समयतालिका भन्दा ३ घण्टै ढिलो गरि शुरु भएको कार्यक्रममा अत्यन्तै पातलो उपस्थिती थियो।
जेहोस ढिलैगरि भएपनि शुरुआत गरिएको उत्त कार्यक्रममा नेपाली राजदुतको प्रमुख आतिथ्यमा कार्यक्रम सुरु गरियो र नेपाल देखी आमन्त्रित धर्मगुरुज्युहरुबाट बुद्धको पुजाआजा र प्रबचन सुनेर डेरातिर फर्कदा त बेलुकाको ६ नै बजिसकेको रहेछ ।

Thursday, May 7, 2009

सक्कल अनुहार देखायो माओवादिको गोप्य भिडियोले ।

सरद डायरि । बुधबार, बैशाख २३, २०६६

२०६४ पुष १८ गते जनसेनाको प्रशिक्षणको क्रममा प्रचण्डले गरेका सम्बोधन, ईमेज च्यानलले मे ५ तारिख बेलुका ९ बजेतिर (एक्स्क्ल्यपसिप नामक रिपोर्ट) प्रसारण गरेर सार्बजनिक भएपछि उनीहरुको गोप्य रणनिति छताछुल्ल भएको छ ।
प्रधानसेनापती प्रकरणको कारण प्रधानमन्त्रीको पदबाट राजिनामा दिएको ६ घण्टा नबित्दै यो भिडियो टेपले पनि माओवादिलाई अर्को टाउको दुखाई निम्त्याएको छ ।
हेर्नुस ईमेज च्यानल द्धारा प्रसारित उत्त टेपको केहि अंश माथीको प्ले बटनलाई ल्किक गरेर ।

Tuesday, May 5, 2009

प्रधानमन्त्रीद्धारा राजीनामाको घोषणा गर्दै देशबासीको नाममा संम्बोधन ।

सरद डायरि । सोमबार, बैशाख २१, २०६६

प्रधानमन्त्री पुष्पकमल दाहाल (प्रचण्ड) ले देशबासीको नाममा आज मे ४ तारिख सोमबारका दिन सम्बोधन गर्दै प्रधानमन्त्रीको पदबाट राजीनामा दिएको घोषणा गरेका छन ।
सम्बोधनको पुर्णपाठ जस्ताको तस्तै :-
आदरणीय नेपाली दिदीवहिनी तथा दाज्यूभाइहरु,
१) आज हामी नेपाली इतिहासको असाध्यै गौरवशाली तर चुनौतीपूर्ण क्षणमा उभिएका छौं । यस्ता क्षणहरु कुनै देशका इतिहासमा कमै मात्र आउने गर्दछन् । एकातिर हामीले दशवर्षे महान् जनयुद्ध र त्यसैको पूरकका रुपमा रहेको संयुक्त जनआन्दोलन र मधेस आन्दोलन पश्चात् नेपाली इतिहासमा पहिलोचोटि संविधानसभा निर्वाचन सफलतापूर्वक सम्पन्न गरेका छौं र सयौं वर्ष पुरानो सामन्ती राजतन्त्रलाई अन्त्य गरेर देशलाई संघीय लोकतान्त्रिक गणतन्त्रमा रुपान्तरण गरेका छौं । यो तपाईंहामी सवैकानिम्ति असाध्यै गर्व गर्न लायक कुरा हो । यसका निम्ति हामीले ती दशौं हजार महान् शहीदहरु, वेपत्ता पारिएकाहरु र घाइते योद्धाहरुको युगौंयुगसम्म उच्च सम्मान र सम्झना गरिराख्नुपर्दछ । परन्तु अर्कोतिर, हामीले प्राप्त गरेको यो शिशु गणतन्त्र, हाम्रो प्यारो राष्ट्रिय स्वाधीनता र आम जनताले चाहेको तीव्र आर्थिक-सामाजिक परिवर्तन र विकासका विरुद्ध विभिन्न देशी तथा विदेशी प्रतिगामी तथा यथास्थितिवादी तत्वहरुले गम्भीर षड्यन्त्र गरिराखेका छन् । यो हामी सवैको निम्ति ठूलो चुनौतिको विषय हो । यिनै सन्दर्भलाई लिएर गणतन्त्र नेपालको पहिलो जननिर्वाचित प्रधानमन्त्रीका हैसियतले म यतिवेला तपाईंहरुलाई सम्वोधन गर्दैछु ।
२) संविधानसभा निर्वाचनमा आम नेपाली जनताको अपार माया र समर्थन पाएर हाम्रो पार्टी एकीकृत ने.क.पा. -माओवादीले प्रत्यक्ष निर्वाचन प्रणालीमा स्पष्ट वहुमत र समानुपातिक निर्वाचन प्रणालीमा सवभन्दा ठूलो दलको हैसियत प्राप्त गर्‍यो । यो हामीले चुनावका दौरानमा अघि सारेको ‘नयाँ नेपालकानिम्ति नयाँ विचार र नयाँ नेतृत्व’ भन्ने नाराको स्पष्ट जनअनुमोदन थियो । परन्तु निर्वाचन परिणाम निस्केको चार महिनासम्म विभिन्न वहानामा माओवादी नेतृत्वमा सरकार वनाउन दिइएन । अन्त्यमा लोकलाजले वाध्य भएर मात्र गत भदौको पहिलो हप्तामा मेरो नेतृत्वमा गणतन्त्र नेपालको पहिलो निर्वाचित सरकार गठन गर्ने मार्ग प्रशस्त भयो । त्यसपछि सरकार संचालन गर्ने हाम्रो आफ्नै कतिपय अनुभवजन्य कमीकमजोरीका कारणले पनि हामीले तपाईंहरुले चाहे जस्ता सवै कामहरु वेलैमा गर्न सकेनौं होला । हामी जानअनजानमा भएका आफ्ना कमीकमजोरीहरुलाई कुनै पनि वहानामा ढाकछोप गर्ने पक्षमा छैनौं । जनतावाट सिक्ने र जनताका स्वस्थ आलोचनाहरुलाई गम्भीरतापूर्वक लिने हाम्रो घोषित वैचारिक प्रतिवद्धता नै हो । परन्तु हामीले सरकारमा रहेर देश र जनताका पक्षमा गर्न खोजेका थुप्रै राम्रा कामहरुलाई हुन नदिन कतिपयले सरकार वाहिरवाट र कतिपयले सरकारभित्रैबाट निरन्तर वाधा उत्पन्न गरिरहे । उदाहरणको निम्ति हामीले सरकार गठन भए लगत्तै प्रस्तुत गरेको नीति तथा कार्यक्रम र वाषिर्क वजेटका जनमुखी कार्यक्रमहरुलाई अनेक वहाना वनाएर कार्यान्वयन हुन दिइएन । स्थानीय निकायहरुको गठन हुन नदिएर गाउँ गाउँमा पठाइएको अरवौंको वजेट खर्च हुन सकेन । सानातिना निहुँमा हप्तौंसम्म वन्द हड्ताल र सदन अवरुद्ध गर्ने काम भइरह्यो । फलस्वरुप कतिपय अत्यन्त जरुरी र सार्वजनिक तथा राष्ट्रिय महत्वका विधेयकहरु पारित हुन सकेनन् भने अरवौंको विकास वजेट खर्च हुन सकेन र जनताले तत्काल पाउनु पर्ने राहत समेत प्राप्त गर्न सकेनन् । फेरि पनि संक्रमणकालको विशिष्ठ अवस्था र संयुक्त सरकार संचालनको वाध्यता भनेर हामीले धैर्य गर्दैगर्‍यौं । तर यो जनअनुमोदन प्राप्त सरकारलाई विभिन्न ढंगले घेरावन्दी गर्ने, अग्रगमनकारी एजेण्डा लागू हुन नदिने र असफल पार्ने प्रयत्न विभिन्न प्रतिगामी र यथास्थितिवादी कोणबाट भैरहयो ।
३) यो सरकारले चालू शान्ति प्रक्रियालाई तार्किक निष्कर्षमा पुर्‍याउने, समयमै जनसंविधान निर्माण गर्ने, जनतालाई आर्थिक-सामाजिक परिवर्तनको प्रत्याभूति गराउने र राष्ट्रिय स्वाधीनताको रक्षा गर्ने कुरालाई हमेशा उच्च प्राथमिकता दिंदै आएको छ । त्यसरी नै वहुदलीय प्रतिस्पर्धात्मक लोकतन्त्र, संघीय शासन प्रणाली, विधिको शासन, मानव अधिकार, प्रेस स्वतन्त्रता आदि मूल्यमान्यताहरुलाई दह्रोसंग आत्मसात गर्दै आइरहेको छ र तीप्रतिको प्रतिवद्धता हमेशा कायम राख्नेछ । देशको विशिष्ठ ऐतिहासिक संक्रमणकाल, वृहद् शान्ति सम्झौता र अन्तरिम संविधानको मर्म र भावना अनुरुप हामीले राष्ट्रिय सहमतिको राजनीतिलाई विशेष जोड दिंदै आएका छौं । सरकारभित्र र वाहिरका राजनीतिक दलहरुसंग सहमति कायम गर्ने प्रयत्न गर्दागर्दै कतिपय अवस्थामा हामीलाई सामान्य निर्णय गर्न पनि महिनौं लाग्ने गरेको छ । त्यसैले एउटै कुरामा कसैले हामीलाई अधिनायकवादी र कसैले निर्णयविहीन भनेर लगाउने गरेको आरोपलाई पनि हामीले चूपचाप सहँदै आएका छौं । फेरि पनि शान्तिप्रक्रिया, लोकतान्त्रिक मूल्यमान्यता र राष्ट्रिय एकता तथा स्वाधीनताप्रतिको हाम्रो विश्वास र प्रतिवद्धतामा कत्ति पनि कमी आएको छैन र जुनसुकै उत्तेजनाले पनि हामीलाई त्यसवाट विचलित गराउन नसक्ने अठोट म पुनः एकपटक दोहोर्‍याउन चाहन्छु ।
४) गणतन्त्रको स्थापनापछि नेपाली सेनामाथि नागरिक सर्वोच्चताको प्रश्न एउटा अत्यन्तै गम्भीर र संवेदनशील प्रश्न वन्दै आइरहेको छ । सेनामाथि नागरिक सर्वोच्चताको सामान्य अर्थ भनेको सेना जननिर्वाचित सरकारको निःशर्त नियन्त्रणमा रहने भन्ने नै हो । भर्खरै लोकतन्त्रको संस्थागत विकास हुन लागेका थुप्रै देशहरुमा सेना र जननिर्वाचित सरकारवीच लामो समयसम्म अन्तरविरोध र द्वन्द कायम रहने गरेका छन् । हाम्रै देशमा पनि २०१७ साल पुस १ गते र २०६१ माघ १९ गतेका घटनाहरु त्यसका साक्षी छन् । यिनै तथ्यलाई मध्यनजर गर्दै यो जननिर्वाचित सरकारले वारम्वार सरकारको नीति तथा आदेशको उल्लंघन गर्ने नेपाली सेनाका प्रधानसेनापति रुक्मांगत कटवाललाई सफाइको उचित मौका दिएर संविधान र कानून वमोजिम विधिवत् ढंगले सेवावाट अवकाश दिने निर्णय गर्‍यो । यसवारे सरकारभित्र र वाहिरका राजनीतिक दल र शक्तिहरुसंग सहमति जुटाउन यथेष्ठ प्रयत्न पनि गरियो । तर जननिर्वाचित सरकारले गरेको विधिसम्मत निर्णयलाई उल्टाउन र कार्यान्वयन हुन नदिन विभिन्न शक्ति केन्द्रहरु र राजनीतिक दलहरुको उक्साहट र दवावमा सम्माननीय राष्ट्रपतिवाट जुन सरासर असंवैधानिक र अलोकतान्त्रिक कदम चालियो त्यसवाट देशमा अहिले गम्भीर राजनीतिक संकटको सिर्जना गरेको छ । अन्तरिम संविधानले राष्ट्रपतिलाई मन्त्रीमण्डलको सिफारिस वेगर सेना वा अन्य कुनै विषयमा स्वतन्त्र निर्णय गर्ने अधिकार कहीं कतै दिएकै छैन । लोकतन्त्रमा संवैधानिक राष्ट्रपतिलाई यसरी समानान्तर शक्ति केन्द्रको रुपमा क्रियाशील वन्ने अधिकार कहीं पनि हुँदैन । तर गणतन्त्र नेपालका प्रथम राष्ट्रपतिलाई यसरी जननिर्वाचित सरकारका विरुद्ध क्रियाशील वनाउने र झन् सेनामाथि नागरिक सर्वोच्चता कायम गर्ने अत्यन्त संवेदनशील विषयमा यस्तो असंवैधानिक हर्कत गर्न लगाउने कार्य जोजसवाट भएको छ त्यसले देशमा स्थापित शिशु लोकतान्त्रिक गणतन्त्रमाथि घातक प्रहार गरेको छ । यसका विरुद्ध आवाज उठाउनु र राष्ट्रपतिको असंवैधानिक कदम सच्चाउन र सेनामाथि नागरिक सर्वोच्चता कायम गर्न आवश्यक पहल गर्नु आज सम्पूर्ण लोकतान्त्रिक र देशभक्त शक्तिहरुको गम्भीर दायित्व वनेको छ ।
५) प्रधानसेनापति प्रकरणमा राष्ट्रपतिलाई अघि सारेर लोकतन्त्र, संविधान र शान्ति प्रक्रियामाथि गम्भीर प्रहार गर्न कतिपय राजनीतिक दल र शक्तिहरु अग्रसर वनेको प्रसंग हाम्रो शिशु गणतन्त्र र शान्तिप्रक्रिया निम्ति झन् गम्भीर चिन्ताको विषय वनेको छ । केही समयदेखि माओवादी पार्टीले कथित सत्ताकव्जा गर्न लागेको मनगढन्ते दुष्प्रचार गरेर अहिलेको राष्ट्रपतिको असंवैधानिक कदमनिम्ति आधारभूमि तयार पारिएको प्रसंगलाई सवै लोकतन्त्रवादी राजनीतिक दलहरुले विशेष गम्भीरतापूर्वक लिन जरुरी छ । यस प्रकरणमा राजनीतिक दलहरुसंग सहमति कायम गर्ने हाम्रो भगीरथ प्रयासका वावजुद केही निहित स्वार्थी कोण र वृत्तहरुवाट भ्रम र आशंका फिजाएर राजनीतिक दलहरु वीचमा नै फाटो पार्न सफल हुनु झन् ठूलो चिन्ताको विषय भएको छ । कतिपय दल र तिनका नेताहरु शुरुमा सहमत भएर पनि पछि अज्ञात कारणवश पछि हट्नु र यति संवेदनशील विषयमाथि खेलवाड गर्नु लोकतान्त्रिक मूल्यमान्यता र संस्कृतिको विकासको निम्ति गम्भीर खतराको सूचक वनेको छ । यो स्थितिमा सवै लोकतान्त्रिक र देशभक्त राजनीतिक शक्तिहरुसंग ‘वुढी मरी भन्दा पनि काल पल्क्यो भनेर डराउनु’ भन्ने उक्तिलाई स्मरण गर्दै सेनामाथि नागरिक सर्वोच्चता कायम गर्ने पश्नलाई गम्भीरतापूर्वक लिन म हार्दिक आग्रह गर्दछु ।
६) यो प्रकरणमा कतिपय अन्तर्राष्ट्रिय शक्तिकेन्द्रहरुको दृश्य र अदृश्य चलखेलप्रति पनि म सम्पूर्ण देशभक्त नेपाली दिदीवहिनी तथा दाज्यूभाइहरुको ध्यानाकर्षण गराउन चाहन्छु । हामी हाम्रा सवै छिमेकी र मित्र देशहरुसंग सुमधुर कुटनीतिक सम्वन्ध कायम गर्न प्रतिवद्ध छौं । परन्तु हाम्रो आन्तरिक मामिलामा कसैको पनि हस्तक्षेप हामीलाई किमार्थ स्वीकार्य छैन । नेपालको सार्वभौमिकता, स्वतन्त्रता र भौगोलिक अखण्डता विरुद्ध कसैसंग कुनै प्रकारको संझौता हुन सक्दैन । दशौं हजार देशभक्तहरुले वगाएको रगतमाथि टेकेर हामी कुनै पनि विदेशी प्रभुहरु सामुन्ने शीर निहुराउन तयार छैनौं । कुर्सीको निम्ति विदेशीको मुख ताक्ने युगको अन्त्य अव नेपालमा भैसकेको छ भन्ने स्पष्ट सन्देश पनि हामी सवैलाई दिन चाहन्छौं । साथै राष्ट्रिय स्वाभिमान र स्वतन्त्रताकालागि जुनसुकै वलिदान गर्नु परे पनि तयार रहन हामी सवै देशभक्त शक्तिहरुसंग आग्रह गर्न चाहन्छौं ।
७) यो समग्र स्थितिमा शान्ति प्रक्रिया, लोकतन्त्र, नागरिक सर्वोच्चता र राष्ट्रिय स्वाधीनताका लागि संघर्ष गर्न सरकारको कुर्सी छोड्नु परे पनि त्यसवाट पछि नहट्ने निष्कर्षमा म पुगेको छु । देशमा हाल असंवैधानिक ढंगले सिर्जना गरिएको द्वैध सत्ताको स्थिति हरहालतमा अन्त्य हुन जरुरी छ । त्यस्का विरुद्ध सिंगो देश एकताबद्ध हुन आजको आवश्यकता हो । त्यसैले यो असहज स्थितिको निराकरण गर्न र खतरामा परेको लोकतन्त्र, राष्ट्रियता र शान्तिप्रक्रियालाई बचाउने दिशामा सकारात्मक वातावरण निर्माण गर्न मैले यसै सम्वोधनमार्फत् आफुले नेतृत्व गरेको मन्त्रीमण्डलवाट राजिनामा दिएको घोषणा गर्दछु ।
८) अन्त्यमा, म जारी शान्तिप्रक्रिया, लोकतन्त्र र राष्ट्रियताको संरक्षण निम्ति पुनः एकपटक दृढ प्रतिवद्धता व्यक्त गर्दै नयाँ लोकतान्त्रिक समुन्नत नेपालको निर्माण र नागरिक सर्वोच्चताको वर्तमान संघर्षमा अझ दृढतापूर्वक लागिरहन सम्पूर्ण जनसमुदाय, नागरिक समाज र राजनीतिक शक्तिहरुसंग हार्दिक आग्रह गर्दछु । धन्यवाद ।
२०६६ बैशाख २१
पुष्पकमल दाहाल ‘प्रचण्ड’
प्रधानमन्त्री , नेपाल सरकार

Monday, May 4, 2009

नेपाली सेना प्रमुख को ?

सरद डायरि । सोमबार, बैशाख २१, २०६६

नेपाली सेनाको सेना प्रमुखको बिषयमा अहिले ठुलो संकट आईपरेको छ । माओवादि सरकारले एकपक्षिय कटवाललाई हटाउने निर्णय गरेको २ घण्टा पछि राष्ट्राध्यक्ष तथा सेनाका परमाधिपति समेत रहेका राष्ट्रपतिले उत्त निर्णयलाई उल्टाईदिई कटवाललाई पुर्नबाहाली गरिदिएका छन। माथिको एभेन्युज टिभिद्धारा प्रसारण बिशेष कार्यक्रम हेरेर आफै बिश्लेषण गर्नुस अब सेनालाई राजनितिकरण गर्न खोज्ने दलहरुको आ-आफ्नो डंम्बले नेपालको भावि राजनितिक लाई कस्तो बाटो तिर डोर्याउने हो ? अनि नेपालको भबिश्य कुन स्थिति तिर ? तर दुख पाउने त तपाई हामि जनता नै त हो ।

कटवाललाई बलबल हटाईयो रे ।

नबनियुत्त प्रधानसेनापती खड्का दाया र बरखास्तमा परेका कटवाल बाया



सरद डायरि । आईतबार, बैशाख २०, २०६६
आज मे ३ तारिख बिहानको ११:०० बजे बसेको मन्त्रिपरिषदको बैठकले करिब २ हप्ता लामो बिबाधित प्रधान सेनापति बरखास्त गर्ने बिषयलाई टुङ्गो लगायो ।
प्रधान सेनापती रुक्मागत कटवाललाई अवकाश दिन निर्णय गर्दै रथि कुलबहादुर खड्कालाई अर्को ब्यबस्था नभए सम्मका लागि कायममुकायम प्रधान सेनापतीमा नियुत्त गरको समाचार आएको छ । तर सत्तासाझेदार एमालेका मन्त्रिहरुले बैठक बहिस्कार गरेको छ भने फोरमका मन्त्रिहरुले निर्णय प्रकियामा असमति जनाएको छ रे ।
लौं अब माओवादीको एकल निर्णयले कस्तो रुप लिने हो अनि के के हुने हो हेर्न बांकि नै छ ।।।

Sunday, May 3, 2009

शुभ कार्यबाट शुरु भयो गोल्डेन वुईक

बर बधुलाई बधाई दिदै
बर बधु संगको झलक


सरद डायरि । आईतबार, बैशाख २०, २०६६

आज गोल्डेन वुईकको दोस्रो दिन एकजना मित्रको शुभ-बिवाह पार्टिमा निम्तो आएकोले लागे उहाको पार्टि स्थलतिर ।
निर्धारित समयमा पुगेपनि जापानि बाहेक नेपालीहरु त म लगायत ३,४ जना मात्र जम्मा भएका थियौ । जेहोस हामि नेपालीहरु तोकेको समय भन्दा ढिलो गरि जम्मा हुने र समय सकिएपछि पनि झटपट छुट्टिनै गाह्रो हुने जात नै हो ।
बर नेपाली भएपनि बधु भने जापानि हुनुभएकोले होला , जापानीहरुको संख्या पनि निकै धेरै थियो । जापानि भाषामा एमसि ले आज दिउसो नेपालि लाईभ कन्सर्ट पनि भएकोले सवै नेपाली हरु त्यो कन्सर्ट सकेर आउने जानाकारि गराए । नभन्दै ७,८ बजेतिर बाट नेपालीहरुको निकै घुईचो नै लाग्यो । अनि सुरु भयो नेपाली पनको बिवाह पार्टिको कार्यक्रम शुरुआत । केक काटने,औंठि लगाउने बिधिवट रुपबाट कार्यक्रम शुरु गरिएपछि नाचगानमै मस्त भईयो बेलुकाको करिब ११ बजे सम्म ।

Saturday, May 2, 2009

बैंङ्कको क्यास कार्ड हराउदा ।

पकेटमा भएको कार्डहरु मात्र हो यो


सरद डायरि । शनिबार, बैशाख १९, २०६६


भोलीदेखी जापानमा गोल्डेन वुईक(स्वर्णम हप्ता) पर्ने र पकेट पनि अलि बाक्लो नभए त समस्या नै पर्ने भएकोले यसो बैङ्क तिर पसे । प्रत्येक बर्षको मे महिनाम पर्ने यस स्वर्णम हप्ताको दिन पारि जापानमा निकै लामो बिदा हुने भएकोले पनि प्रत्येक दिन जस्तै नेपालीहरुले बिभिन्न कार्यक्रम राख्नुका साथै बिशेष जमघट् हुने समय पनि भएको र मलाई पनि २,४ ठाउबाट निम्तो समेत आईसकेको थियो । त्यसैकारण पनि बैङ्कको क्यास कर्नर तिर पसेपछि पो पत्तो पाए कि मेरो बैंङ्कको नगद निकाल्ने कार्ड त एक हप्ता अघि नै हराएको रहेछु । तत्कालै हतार हतार गरि सबै बैङ्क को खाता लाई म बिना कसैले पनि पैसा निकाल्न नमिल्ने गरि फ्रिज गरिदिए । र मलाई आवश्यक रकम चाही फर्म भरेर निकाले ।
जापानमा जे गर्दा पनि पासवर्ड वाला कार्ड,पोईन्ट जम्मा हुने कार्ड,डिस्काउन्ट हुने कार्ड गरि बिबिध थरिका कार्ड अत्यन्तै प्रयोग गर्ने हुनाले पनि पर्ज मै नआउटने गरि बनाउनु पर्ने बाध्यता, भएन भनेर किनमेल गर्दा वा कहि रेष्टुरेन्ट तिर खाना खादा समेत पनि कार्ड थम्याईदिने हुनाले पनि प्रत्येक दिन जस्तै कार्ड नबनाई सुखै नहुने । कार्ड धेरै भएर कुन के को कार्ड कहा राखे भन्ने पनि पत्तो नै नहुने गरि कार्डको संख्या बढदोरहेछ ।
जेहोस, आज मैले हराएको बैङ्क कार्डले गर्दा भने अलि कार्डहरुलाई ब्यबस्थित गर्नु पर्छ भन्ने महशुस गरे ।