सिएनएन हिरो भईन, अनुराधा कोईराला ।

सरद डायरि । शनिबार, मंसिर ४, २०६७

नेपालको पत्रपत्रिका र टिभि च्यानल लगायत अनलाईन मेडियाहरुमा सधै वाक्क लाग्ने खबर पढदा सुन्दा दिक्क भएको हामिहरुलाई आज भने अत्यन्तै खुशी र गर्वको समाचार छापिएको रहेछ ।

हाम्रै दिदि अनुराधा कोईराला माईति नेपालका संस्थापक जो २ दशक अघि देखी चेलीबेटि बेचबिखन बिरुद्ध संघर्षरत र सामाजिक सेवामा समर्पित ब्यक्तित्वले चिनिने एक महिला यस बर्षकै सर्वोकृष्ट सीएनएन हिरो घोषित भएकि रहिछिन ।

विश्वभरि कै १०० भन्दा बढि देशका श्रोता वर्गले १० हजार भन्दा बढि संख्यामा समाजलाई योगदान दिने ब्यक्तित्वबाट १० जना छनोट गरि उत्त १० जनाको २ महिना सम्म अनलाईन भोट गराई सिएनएन हिरो बिजयी घोषणा गरिन्छ । १० ब्यत्ति भित्र पर्नेलाई २५ हजार र विजयी हुनेलाई १ लाख डलर गरि जम्मा १ लाख २५ हजार डलर माईति नेपाललाई प्रदान गरिने छ ।

बास्तवमा अनुराधा दिदि संग मेरो जापानमा १९९० तिर जापानमा एउटा एनजिओको कार्यक्रम पाल्नुहुदा मेरो चिनजान र भेटघाट भएको थियो । उत्त एक अबिस्मरणीय कार्यक्रम जो नेपालमा भए गरेका गाउका दिदि बहिनिहरुलाई लोभ, लालच र छक्याएर ईन्डिया तिर बेच्न लगिएको साथै इन्डियाको कोठाघारा बाट छुटाएर ल्याईएको कहालि लाग्दो परिस्थितिको छायाकंन जापानी टिभि प्रसारण गर्ने तर्जुमा भएको रहेछ । संयोगवस उत्त छायाकंनलाई जापानी टिभिमा प्रसारण गर्नको लागि नेपाली बाट जापानी भाषामा अनुवाद गर्ने मेरो जिम्मामा आएकोले केहि दिन उहा र त्यो कार्यक्रमलाई नजिकबाट नियाल्ने मौका मिल्यो ।

जेहोस, अनुराधा कोईराला दिदिले संसारमै नेपालको नाम चिनाउन सफल हुनु भएकोमा हामि सम्पुर्ण नेपालीको सिर उँच्च भएको छ यस्तो खुशीयालिको अबसर प्रदान गर्नु भएकोमा उहालाई हार्दिक बढाई छ ।

हाम्रा नेता भनाउदा ६०१ जनालाई पनि वाईकाड् बकंम्फुसे गफ लगाउन छोडि, चेतना भयास ।।।