ताकातोरियामा, आसाईना किरिडोसि र कामाकुराको हाईकिङ्ग

सरद डायरि । बुधबार, माघ २८, २०७१

आज बुधबार भएता पनि सार्वजनिक रातो बिदाको दिन परेकोले पुर्व निर्धारित योजना अनुसार नै टोक्योको पुर्वी साईडमा पर्ने जुसि एरियामा हाईकिङ्ग र रक्क क्लाईमिङ्ग (पहाडको ढुङ्गामा चढ्ने) गर्ने कार्यक्रम थियो ।

म संलग्न रहेको ओ.सि.जे क्लवका साथीहरु संग यस ईभेन्टमा हामि सात जना (व्रिट्रेन- आण्डि, फ्रान्स-पाट्रिक, ब्राजिल-टाईड्, होल्याण्ड-फेड्जिआ,जापानी-रिए,तामाओ र म) को सहभागिता रहेको यस टिम, बिहानको १०:२० मा हिगासि जुसिमा भेट्ने कार्य तर्जुमा भएपनि मेरो ढिलाई कारणले गर्दा ११ बजे मात्र गन्तब्य तिर प्रस्थान गर्यौं । भेट्न सल्लाह गरेको ठाउसम्म मेरो घरबाट करिवन डेढ घण्टाको बाटो भएकोले पौने दुईघण्टाको समय छुट्याएर हिडेता पनि छुट्टिको दिन र गाउँतिरको ट्रेन समय भएकोले होला, एउटा ट्रेन छुटेमा अर्को ट्रेन आउन करिवन १५-२० मिनेटको अन्तरालमा आउदो रहेछ, मैले तिन ठाउमा ट्रेन चेन्ज गर्दा करिवन ४० मिनेट बढि त ट्रेन पर्खिदा पर्खिदै लागिहाल्यो ।

जेहोस, साथीहरुसंग सम्पर्कमा रहदै म चढदै गरेको स्टेशनको नाम बताउदै गर्दा, मलाई करिवन १ घण्टा बढि पर्खनु परेको रहेछ, सबै मित्रहरुलाई हृदय देखी नै क्षमा याचना माग्दै हाम्रो हाईकिङ्ग ठिक ११ बजे मात्र शुरु भयो । तिनवटा पहाड (ताकातोरियामा, आसाईना किरिडोसि  र कामाकुरा) चढ्ने र अन्तमा कामाकुरा नजिकैको समुन्द्रमा मृगको मासु (अस्ति निक्को हाईकिङ्गमा हण्टरवाट प्राप्त गरेको सिका निकु) संगै फाईरिङ्ग पार्टिको पनि योजना थियो । खुशीको कुरा ब्राजिलको मित्र टाईड् बिश्वबिध्यालयको रिसर्चरको कारण पनि उनि संग जिपिएस यन्त्र (बिशेष खालको मेसिनले सबै बिस्तृत थाहाहुने) संगै बोकेर आएका रहेछन् । उनले हाम्रो यो हाईकिङ्गको सबै बिस्तृत बिवरण (तलको हाईकिङ्ग गरेको रुटको गुगल फोटो तथा अन्य डेटा एक केहि झलकहरु) सहित पाँच पेजको रेपोर्ट नै तयार गरेर पठाउनु भएको थियो जस अनुसार, आजको हाईकिङ्ग तथा रक्क क्लामिङ्ग टुरमा...

* ७ स्क्वाएर किलोमिटर भित्र १३.५ किलोमिटर हिडेको

* कुल लागत समय - ७ घण्टा ११ मिनेट ५२ सेकेण्ड

* कुल हिडेको समय - ५ घण्टा ५३ मिनेट १३ सेकेण्ड

* लन्च, रक्क क्लाईमिङग र बिचबिचमा रेष्ट गरेको समय - १ घण्टा १८ मिनेट ३९ सेकेण्ड

* हिडाईको स्पिड (एभ्रेज) मा- १.९ किलोमिटिर प्रति घण्टा

* हिडाईको स्पिड (म्याक्स) मा - ५ किलोमिटर प्रति घण्टा

यस टुरको बिस्तृत झलकहरु संम्बन्धित तलको लिन्कमा....

• ताकातोरियामा
• आसाईना किरिडोसि
• कामाकुरा