सरद डायरि । बिहिबार, चैत्र १०, २०६७
हिजो अनलाईन मेडियामा झँलक्कै के आँखा लगाएको थिए, बिगतमा मेरो दिमागमा फुरेर बिचार गरिरहेकै बेला र केहि साथीहरुलाई पनि प्रस्ताव राखीरहेकै बेला, ठ्याक्कै उत्त कार्य मेरै हितैषी मित्रहरु जो साईतामाको मिसातोबासि, डा.दिनेश मानन्धर जी सहित डा. फत्त बहादुर थापा, डा. सुर्य आचार्य, डा. अखिलेस कर्ण, सुरेश भत्त श्रेष्ट लगायतका मित्रहरुले यथार्तमा परिणत गरिसक्नुभएको रहेछ । कुरो के भने, जापानमा हालको दैबि प्रकोपबाट पिडित साईतामाको एक सेल्टरमा आश्रय लिईराखेका करिव ४०० (बच्चा, वयस्क र बृद्ध) जापानीहरुको जमातलाई मित्रहरुले नेपाली खाना खुवाएर साह्रै पुण्य कार्य गर्नु भएको रहेछ ।
ज्यादै खुशी लाग्यो र सबै चिनेका मित्रहरुले गर्नु भएको नाताले गर्दा पनि म आफैले सम्पन्न गरेको जस्तो अनुभव भयो । जेहोस, यस खुशीको खवर केहि साथीहरुलाई मेल मार्फत जानाकारि गराउनुका साथै मेरो यो आफ्नो ब्यक्तिगत डायरिमा पनि कोर्न सुरसार कसीहाले ।
जापानमा यस शताब्दीमै गएको सबभन्दा ठुलो महाभुकम्प बाट प्रवाहित नागरिक, त्यसमाथी विनासकारि सुनामी र त्यो भन्दा पनि ठुलो भयाभव फुकुसिमा स्थित परमाणु उर्जा केन्द्रको बिचलन र त्यसैमाथी पनि समाचार संम्प्रेषणकारहरुको होहल्लाले गर्दा विश्वभरिकै मानवजातिलाई जापानमा केन्द्रित गरेको बर्तमान परिस्थिति छ । यस घटनाबाट हामि जापानबासी नेपालीहरु पनि अछुतो रहनसक्ने कुरै भएन । नेपालीहरु बिच पनि बिभिन्न उद्धार समिति लगायत, सहयोग रकम तथा यस सम्बन्धीका लेख रचना र नेता भनाउदाहरुको बिज्ञप्तिहरु ओईरो लागेको छ । भएन भनेर, जापान स्थित नेपाल एम्बेसीका कर्मचारि समेत अस्थायी रुपमा ओसाका हानिएको नेगेटिभ समाचारले निकै चर्चा पाएको यस अबस्थामा नेपालीहरुकै सिर उचो र गौरान्वित गर्ने खुशियाली यस कार्यका पात्र, मिसातोबासि नेपाली मित्रहरुलाई कोटि कोटि धन्यबाद ।
प्रकाशित अनलाईन मेडियाहरु
No comments:
Post a Comment