राष्ट्रिय सहमतिको सरकार गठित

सरद डायरि । बुधबार, जेठ ४, २०६९

ढिलै भएपनि प्रधानमन्त्री बाबुराम भट्टराईले राष्टि्य सहमतिको नयाँ  मन्त्रिमण्डल गठन गर्न सफल हुदै नया कीर्तिमान कायम पनि गरेका छन। बिगतमा सबभन्दा ठुलो आकारको मन्त्रिमण्डल बनाउने कृतिमान कायम गर्दै यस नया राष्ट्रिय सहमतिको सरकारमा नेपालको इतिहास मै सबैभन्दा बढी उप-प्रधानमन्त्री बनाउन पनि पहिलो पटक सफल भएका छन् । अहिलेको मन्त्रिमण्डलमा चार चार जना उप-प्रधानमन्त्री छन् । यसअघि फोरमका विजयकुमार गच्छदार, काङ्ग्रेसका कृष्ण सिटौलासहित माओवादीका नारायणकाजी श्रेष्ठ उप-प्रधानमन्त्री थिए भने, आज एमालेका तर्फबाट सरकारमा गएका ईश्वर पोखरेल पनि उप-प्रधानमन्त्री भएपछि उपहरुको संख्या चार पुगेको हो।
यिनी चार उपहरुको कार्यभार सम्हाल्ने त के कुरा जिम्मेवारी पनि तोकिएको छैन। भागवण्डाको कुरा मिलाउनको लागि बिना बिभागीय उप-प्रधानमन्त्रि र बिना विभागीय मन्त्री बनेर काम धाम बिना तलबभत्ता पचाउने जुक्ति गरेको भने सिधै बुझ्न सकिन्छ । आज एमालेमात्र हैन, राप्रपा र एक सिट जितेको दलहरुका अध्यक्ष पनि बिना विभागीय मन्त्रीको स्वाद चाख्न गएका छन् ।  

तल हेर्नुस..कस्तो अनुहारका छन् हाल गठित मन्त्रिमण्डलहरु-

सस्माननीय प्रधानमन्त्री
१) डा. बाबुराम भट्टराई
माननीय उपप्रधानमन्त्रीहरू
२) विजयकुमार गच्छदार (मधेसी मोर्चा) गृह
३) नारायणकाजी श्रेष्ठ (माओवादी) बिना विभागीय
४) कृष्णप्रसाद सिटौला (काङ्ग्रेस) बिना विभागीय
५) ईश्वर पोखरेल (एमाले) बिना विभागीय
मन्त्रीहरू
६) हृदयेश त्रिपाठी (मधेसी मोर्चा) भौतिक योजना तथा निर्माण
७) पोष्टबहादुर बोगटी (माओवादी) बिना विभागीय
८) टोपबहादुर रायमाझी (माओवादी) बिना विभागीय
९) राजेन्द्र महतो (मधेसी मोर्चा) स्वास्थ्य तथा जनसङ्ख्या
१०) वर्षमान पुन (माओवादी) बिना विभागीय
११) दीनानाथ शर्मा (माओवादी) बिना विभागीय
१२) महेन्द्रप्रसाद यादव (मधेसी मोर्चा)सिंचाई
१३) राज किशोर यादव (मधेसी मोर्चा)सूचना तथा सञ्चार
१४) सुर्यमान गुरूङग (काङ्ग्रेस) बिना विभागीय
१५) राधा ज्ञवाली (एमाले) बिना विभागीय
१६) अनिल झा (सङ्घीय सद्‍भावना) बिना विभागीय
१७) चन्द्रदेव जोशी (नेकपा संयुक्त) बिना विभागीय
१८) परशुराम खापुङ (राप्रपा) बिना विभागीय
१९) केशवमान शाक्य (नेपाः पार्टी) बिना विभागीय
२०) एकनाथ ढकाल (परिवार दल) बिना विभागीय