जापानको सिन्जुकु बुन्का सेन्टरको एकदिने अन्तराष्ट्रिय मेला

सरद डायरि । शनिबार, कार्तिक २२, २०७१

मेरो जापानको कर्मथलोको पुरानो बस्ति  सिन्जुकु सिटिको आयोजना वा सहयोगमा  आयोजित एक दिने अन्तराष्ट्रिय मेलामा सहभागि जनाए । बिशेष गरेर एसिया महाप्रदेशका दुई दर्जन बढि देशका सहभागिहरुको बिभिन्न सांस्कृतिक झाँकि, नृत्य कार्यक्रम, गायन तथा खानपिनको स्टल एवं बिभिन्न देशको भेषभुषा लगाएर अनुभव गर्न पाउने र बिबिध जानाकारि दिने कार्यको तर्जुमा मिलाईएको रहेछ ।

तिन हजार बढि अटाउने सबभन्दा ठुलो स्टेज, मझ्यौला खालको स्टेजमा तिनसय  बढि अटाउने र स्वागतद्धार नजिकैको स्टेजमा भने सय बढि अट्ने कुर्चि राखिएको तिन ठाउको हलमा बिहानको ११ बजे देखी बेलुकिको करिवन ६ बजे सम्म लगातार बिबिध मनोरञ्जनात्मक कार्यक्रमको प्रस्तुत भईरहेको थियो ।

हामिहरु सबभन्दा ठुलो हलको बल्कुनिमा बिभिन्न देशको अति नै नौलो र मनोरञ्जन कार्यक्रमको प्रस्तुतिले अधिकाँस सबै समय खर्चेको पत्तो नै पाईएनछ ।

झट्ट हातमा भएको पोस्टर हेर्दा पो पत्ता लाग्यो, मेरो देशको पनि तिन तलाको सानो हलमा ४:३० देखी केहि सांस्कृतिक कार्यक्रम तय भएकोकुरा लेखीएको आँखामा परिहाल्यो । यत्रो ब्यबस्थित महामेलामा हाम्रो राष्ट्रको प्रस्तुति पनि हुने रहेछ भन्ने खुशियालीले  हतार हतार गरि १० मिनेट अघि नै संम्बन्धित हलमा छिरेपनि लगातार अन्य राष्ट्रहरु चाईना, भेटनाम, ईन्डोनेसिया, इन्डियन र जापानीहरुको सांस्कृतिक कार्यक्रमहरुको लगातार प्रस्तुति हेर्दै गदगद तालिले हल गुञ्जमान भईराखेको थियो । करिवन पौने छ बजे कार्यक्रम समापन पछि नेपालीको कुनै अत्तो पत्तो नै नभएको र नेपालीपन झल्किने कुनै कार्यक्रम पनि स्टेजमा नदेखीएकोले मनमा अतिनै खुलदुल लागेर आयोजकलाई पोस्टर देखाउदै प्रश्न तेर्साईहाले किन नेपालको सांस्कृतिक कार्यक्रम नभएको? तुरुन्तै आयोजककि एक महिलाले मुख खोली हालिन र भनिन नेपालीको कार्यक्रम क्यान्सेल भयो.., बिडम्बना पोष्टर छाप्ने बेलामा सबभन्दा पहिला नेपालीले संम्झौता गरेपनि कार्यक्रम प्रस्तुतिको बेलामा भने कार्यक्रम नै क्यान्सेल गरेछन रे । धिक्कार छ, ति नेपालीहरु जस्ले जापानमा आएर पनि नेपालीपन नै झल्काएछन, त्यत्रो ब्यबस्थित र राष्ट्रको प्रचार प्रसार गर्न पाउने यत्रो ठुलो अबसर चुकाएका नेपालीलाई संम्झदा र आफु नेपाली भनेर भन्न पनि हिच्किचाउनु पर्दा मनमा हलुका लाज पनि लाग्यो ।

जेहोस, उत्त अबसरमा तिन तलाको बल्कुनिबाट एक तलाको स्टेजमा झुम गरि खिचिएको केहि दृश्य र झलकहरु....