ईचिगो कारि ईन योकोयामा नोयन - साईतामाकेन

सरद डायरि । आईतबार, माघ ११, २०७१

आज मेरो ओ.सि.जे द्धारा आयोजित निक्कोको एक दिने आईस हाईकिङ्ग भएता पनि अन्तिम समयमा केहि साथीहरुको अचानक समय नमिलेको र प्रतिकुल मौसमको कारण पनि सरसल्लाह अनुसार नै क्यान्सेल गरियो । हिड्नु केहि समय अघि र सबै तयारि सहित गन्तब्य स्थल तिर गएको कारण त्यहि ड्रेस र सरसामान बोकेर मेरो परिवार र आफन्त परिवार संग साईतामाकेनमा स्ट्रवेरि खान खेत तिर बाटो मोडे ।

मेरो परिवार ३ जना र आफन्त भाईहरुको परिवार ४ जना गरि हामि ७ जना ईचिगो कारि (खेतमै गएर स्ट्रवेरि खाने) गर्ने ठाउको ट्रेन स्टेशन जुन साईतामाकेनको कितामोतो नामक स्टेशनमा निश्चित समय मै भेटेर लाग्यौं ।

स्टेशन बाट २ मिनेट नजिकै बाटोमा  योकोयामा नोएन नामक फार्ममा ३० मिनेट तावेहोडाई १५०० एन तिरेर फार्म भित्र छिरेर खान शुरु गर्यौ । बिहानको छिटो समय र छुट्टिको दिन भएर होकि, आगन्तुक हरु धेरै कम भएकोले पनि हाम्रो सबै फार्म रिर्जभ जस्तै गरि सबै ठाउमा घुमेर खान भ्यायौं । खाने सिजन भएकोले होला, सानो साईज र सेतो कलरको स्ट्रवेरि पनि अति नै गुलियो र मिठो थियो । हामिले बुट्टाभरि लटरम्मै रातो र ठुलो साईजको स्ट्रवेरि सबै टिपेर खादै गर्दा आधा घण्टा एकैछिनमा सकिएको पनि पत्तो नै भएनछ । यसो घडि हेर्दा पो निक्लने समय भईसकेको रहेछ । सबैलाई समय भएको जानाकारि गराउदै निक्लियौं । त्यस क्षणको केहि झलकहरु तलतिर..